Transcription
1
Monsieur, jay receu la lettre quil vous a pleu mescrire du huictième de ce moys, et quant à ce
2
que vous desirés que je face quelque bon office pour monsieur le president de Portes, je vous
3
asseure que je ne my suys desia espargné, comme vous pourra tesmoigner monsieur du
4
Chastelard. Il est vray quon ne saict où [mot barré] inclinera sa majesté parce quelle a faict ung
5
reglement qui sera faict un rolle des benefices et estatz qui vaqueront qui ne sera
6
publié que troys moys après. Il saict bien assés, monsieur, combien je luy suys devot
7et afectionné, et que je ne mespargnerey [barré : ni ] jamays en chose qui me soyt recommander de vous.
8
Au demeurant, je suys très aise, monsieur, que vous ayés escript à notre vibaly de faire chastier
9
ce meschant traicte de Château Rodon qui voloit si bien traicter la ville d’Ambrun, car notre dict
10
vibaly est ung peu tymide et necessiteux. Dieu veulle quon luy ayé donné la tourture pour
11
descouvrir ses complices, car je me doubte fort quil en debvoyt avoyr dans la ville.
12Il vous plairra, monsieur, le porter dy [barré : pro ] bien proceder selon le deu de sa charge. Je luy
13
en escris ung petit mot, il vous plairra de commander que la lettre cy joincte luy soyt
14
randue à votre première commodité. Je vous direy au demeurant monsieur, comme jay receu des
15
lettres de monsieur le cardinal de Pelvé du dernier du passé, par lesquelles il me mande
16
quil avoyt receu toutes les pièces necessaires pour lexpedition de St-Sernin, et que
17
bientost il vous fera despecher, vous en ayant escript à ce quil me mande. Par les
18
myennes dernières, je vous mandoys que nous estions icy en quelque doubte de nouveaux
19
remuementz. Mays sa majesté y a si bien pourveu que tout cela commence de sestaindre, et est-on
20
en quelque bonne esperance de paix. On se doubtoit que le filz de Briquemaud voulsit
21
remuer quelque chose, mays il a mandé asseurer quil ny pensoyt aulcunement, et que
22
cestoyt luy qui estoyt en craincte pour avoyr ouy parler de lentreprinse qui se brassoyt
23sus La Rochelle, et quil avoyt ouy dire quon menassoyt [barré : qu ] en mesme temps de les despecher.
24
On a aussy volu dire que La Noue eust reprins les armes, mays lon nen saict encores rien
25
dasseuré. Lon continue icy à reigler et retrancher toutes choses. Tous messieurs les gouverneurs
26
des provinces ou leurs lieutenantz y sont, excepté vous, celuy de Provence et Languedoc.
27
Voylà tout ce que je vous puys escrire pour cest heure, me remectant à ce que vous pourrés
28
entendre par les lettres de messieurs d’Eveynes et du Chastelard. Je ne vous ferey plus long
29discours, sy ce nest pour me recommander [barré : h ] très humblement à votre bonne grace. Je prie Dieu
30
quil vous doint,
31
monsieur, en très bonne santé très longue et très heureuse vie. A St-Germain en Laye, le XXIe
32
jour de janvier mil Vc LXXIIII
33
Votre très humble allié et
34
Serviteur G.davanson Archevêque]
35
d’Ambrun
36
Je desire bien de savoyr monsieur ce
37
que vous avés apris du prisonnier de
38
Chastellart et quelle responce vous avés eu de
39
monsieur de Carcès sur les menées de Chemisi, aultrement La Breoulle.